விடியாத இரவுகள் உன்னால் மட்டுமே விடியும்

புனித பவுல் இறையியல் கல்லூரிதிருச்சி - 620001செப்டம்பர், 2009

அன்பானவர்களே! இந்த பதிவானது நாங்கள் திருச்சி தூய இறையியல் கல்லூரியில் முதலாண்டு இறையியல் பயின்ற போது திண்டுக்கல் பகுதியில் சமூக பகுப்பாய்வு அனுபவத்திற்காக சென்றபோது இதில் கலந்து கொண்ட மாணவர்கள் அனைவராலும் பங்களிப்பு செய்யப்பட்ட அறிக்கையின் தொகுப்பாகும். நிச்சயம் சமூகத்தையும், சமூகத்திலிருந்தும் கற்றுக்கொள்வதற்கு இந்தப் பதிவானது பயன் தரும் என்று நம்புகிறேன்.

நிகழ்வுகள்

• 20.09.09
• 21.09.09
• 22.09.09
• 23.09.09
• 24.09.09
• 25.09.09
• 26.09.09
• 27.09.09
• 28.09.09
• 06.10.09
• 07.10.09
• கலைப் பயிற்சி அனுபவம்
• வழிபாடுகள்
• 8, 9, 10.10.09 – நிகழ்வுகள்
• 11.10.09 – திறனாய்வு

• அனுபவத்தை பெற வழிகாட்டிய நிறுவனம்  Y-NEEW
• அனுபவத்தை பெற வழிகாட்டியவர்கள்
• பணி – ஜான்பீட்டர்
• பணி – செபஸ்டீன்     
• பணி – மைக்கில் ஜோ       
• பணி – நார்பட்  
• மற்றும் அனைத்து புனித பவுல் இறையியல் கல்லூரி பேராசிரியர்கள்
•  திரு.ஸ்டீபன் - திருச்சிலுவைக் கல்லூரி பேராசிரியர்
•  திரு.திரவியம்
•  திருமதி.ரமலா அமித்
•  திரு.பிரபு           
•  திருமதி.ஜர்மணி
•  திருமதி.ஜீவா
•  திரு.மோகன்

                     (Y-NEEW நிறுவன அலுவலர்கள்)

•  எங்களை அன்போடு ஏற்றுக்கொண்ட குடும்பங்கள்
• அனுபவத்தை பெற்றவர்கள்
• முதலாமாண்டு இறையில் மாணவர்கள்:

அஜின், அலெக்ஸ், அந்தோணி, பிரான்சிஸ்,இசபெல்லாராணி, அருள்ஜேம்ஸ், அருண்ரெக்ஸ், இளங்கோ, ஜான்கென்னடி, ஜஸ்டின்சுதாகர், ஜோசப்லியோ, மரியதாஸ், நிக்கோலஸ், ராபர்ட், சுரேஸ்பாபு, சுரேஸ்குமார்.

20.09.2009

இறைவன் அருளால் காலை 9.30 மணிக்கு இன்றைய நாள் இனிதாக தந்தையின் சிறுசெபத்துடன் நமது பணியையும் வாழ்வையும் இணைத்து நம் முதல் நாள் அனுபவ அடிப்படை ஆய்வை துவங்கி வைத்தார். அதைத் தொடர்ந்து திருவாளர் திரவியம் அவர்கள் இந்த முகாமின் நோக்கத்தையும் நமது அணுகுமுறையையும் மக்களின் வாழ்க்கை சூழலையும் நமக்கு எடுத்துக்கூறி நாம் எத்தகைய மனநிலையோடு மக்களில் கலக்க வேண்டும் என்றும் நம்முடைய பணி எத்தகைய நிலையை அடைய வேண்டும் என்றும் நாம் திறந்த உள்ளத்தொடு எந்த வித முன்சார்பு எண்ணங்களை நம் மனதிலிருந்து அகற்றி செல்ல வேண்டும் என்று தம்முடைய அனுபவத்தின் மூலம் எடுத்துக்கூறினார்.

நண்பகல் 12-1.30 மணிக்கு கிராமங்களை, கிராமத்திலுள்ள எதார்த்த நிலையை நாம் கண்டுணர மக்களோடு சங்கமிக்க திருவாளர் பிரபு, திருவாளர் மோகன் செல்வி செர்மனி ஆகியோர்களால் வழிநடத்தப்பட்டு எங்களின் அனுபவங்களை உரசிப் பார்த்தோம்.

பிற்பபகல் 3.30 முதல் 6 மணி வரை அருட்சகோதரி சந்திரா அவர்களின் வழிநடத்துதலில் உள்ள ஊக்குநர்களால் எங்களுக்கு நாட்டுப்புறக்களையும் அவற்றின் உள் அர்த்தங்களையும் எடுத்துக்கூறி எங்களுக்கு கற்றுக்கொடுத்தார்கள்.

மாலை 7 மணிமுதல் 8 மணி வரை நாங்கள் காலையில் சென்ற கிராம அனுபவங்களைப் பற்றி கேட்;டறிந்து அவற்றை எப்படி அறிவியல் மொழியில் எவ்வாறு அணுக வேண்டும் என்றும் எத்தகைய வழிமுறைகளை கையாள வேண்டும் என்றும் கிராம முன்னேற்றத்திற்கும் மக்களின் வாழ்க்கை தரத்தையும் பற்றி நாம் அறியக்கூடிய வழிமுறைகளைக் கற்றுத் தந்தார்.

இரவு 8 மணி அளவில் இறை பலியாம் திருப்பலயில் எங்கள் அனுபவப் பகிர்வுகளை இணைத்து நிறைவேற்றக் கூடிய ஆற்றலை இறைவனிடம் பெற்றோம்.

சகோ.சுரேசு குமார்,சகோ.சுரேசு பாபு

21-09-09

இரண்டாவது நாள் முகாம் காலை கலைப்பயிற்சியுடன தொடங்கியது. ஆதன் பிறகு 9.30 மணியளவில் முதல் அமர்வு செபத்துடன் துவங்கியது. நேற்று நடந்த அனைத்து நிகழ்ச்சிகளையும் ஆய்வுசெய்து திரும்பிப் பார்த்தோம். பிறகு மக்கள் பங்கேற்பு திறனாய்வு பற்றி திரு. ஸ்டீபன் அவர்கள் நமக்கு கணிணி உதவியுடன் விளக்கமளித்தார்.

மக்கள் பங்கேற்பு திறனாய்வு என்றால் என்ன?

மக்கள் பங்கேற்பு திறனாய்வு என்பது மக்களுக்கு செவிகொடுத்து மக்களிடமிருந்தே கற்றுக்கொள்ளும் ஒரு அணுகுமுறை. இதில் முன்று விதமான முக்கிய பண்புகள் உள்ளன.

1. பண்புநலன்கள், குணநலன்கள், கலாச்சாரம்

2.தகவல்களைப் பகிர்ந்து கொள்ளுதல், இதில் கிராமத்தில் உள்ளவர்களுக்கும் நமக்கும் உள்ள ஒரு பகிர்தல்

3. இவை அனைத்தையும் பயன் படுத்தும் உபகரணங்கள்

இவை மூன்றும் பங்கேற்பு திறனாய்வின் தூண்களாகும். இதனை செய்வதற்கு செயல்பாட்டிற்கு அழைத்துச்செல்லும் பங்கேற்பும் அந்த பங்கேற்பை பற்றியச் சிந்தனையும் தேவை.

பங்கேற்பு திறனாய்வின் மூலம்; 

பவுலோ பியரோ என்னும் இலத்தின் அமெரிக்க நாட்டை சேர்ந்தவ சமூகப் பணியாளர். சேரி மக்களிடம் சென்று அவர்களோடு வாழ்ந்து அவர்களின் வாழ்க்கையை புகைப்படம் எடுத்து அவர்களைப் பார்க்க அழைக்கிறார்;. இதிலிருந்து தங்கள் வாழ்க்கை நிலையை உணர்ந்த அவர்கள் தங்களை புதுப்பித்துக்கொள்கிறார்கள். இது பங்கேற்பு திறனாய்வுக்கு ஒரு புதிய மூலமாக இருந்தது.

இராபர்ட் சாம்பர் என்பவர் பங்கேற்பு திறனாய்வின் தந்தை என அழைக்கப்படுகிறார். 'ஏழைகள் மற்றும் சுரண்டப்பட்ட மக்கள் தங்கள் நிலையை ஆராய்ந்து உணரவேண்டும'; என்பதே இவரின் அடிப்படைக் கொள்கையாகும்.

பங்கேற்பு என்றால் என்ன?

பங்கேற்பு என்பது தங்கள் கருத்துக்களை அனுபவங்களை கூர்ந்து ஆராய்ந்து ஒவ்வொருவருக்கும் சம உரிமை அளித்து  தங்கள் முழுமையான பங்கேற்பை கொடுக்கச்செய்வதாகும்.

பங்கேற்பின் வகைகள்

 இது இரண்டு வகைப்படும்

     1. ஈடுபாட்டுப் பங்கேற்பு : இதன் மூலம் நமக்கு

முழுமையான தகவல்களும் தரவுகளும் கிடைக்கும்.

     2. ஈடுபாடிலல்லா பங்கேற்பு : நமக்கு முழுமையான ஈடுபாடு இல்லாததால் தகவல்கள் முழுமையான தகவல்கள் கிடைக்க வாய்ப்பில்லை

ஏன் நாம் பங்கேற்க வேண்டும்?

பங்கேற்பு என்பது நமது உரிமை. இதன் மூலம் நமக்கு பலவிதமான தகவல்களும் உரையாடல் மூலம் பல கருத்துக்களும் நமக்கு கிடைக்கும்.

பங்கேற்பு திறனின் பண்புநலன்கள்

1. அடையாளம் காணுதல், முன் எடுப்புக்கள் இவற்றின் மூலம் பிரச்சனைகளைத் தீர்த்தல் போன்றவை ஒரு பங்கேற்பாளரின் அடிப்படைப் பண்புகளாகும். எனவே பங்கேற்பு திறனாய்வு என்பது ஒரு தொடர் கற்றல் பயிற்சி.
2.  குழுவில் எல்லோருடைய கருத்துக்களையும் எடுத்துக்கொண்டு மதித்து ஆரய்தல்
3.  எல்லோருக்கும் சமமான வாய்பளித்து வழிநடத்துதல்
4.  முறைப்படியான வழிமுறைகளை பயன்படுத்தி ஆராய்தல்
5.  குறிப்பிட்ட காலத்திற்கேற்ற வழிமுறையாக இருத்தல்

பங்கேற்பு அணுகுமுறையின் சிறப்பம்சங்கள்

  1. நம்மை நாமே ஆராய்ந்து பார்த்தல்

  2. நடை முறை சாத்தியங்களைப் படித்தல்

  3. அத்தியாவசியத் தேவைகளை அடையாளம் காணுதல்

  4. புதியக் கருத்துக்களைத் தேவைக்கேற்பத் தொகுத்தல்

  5. பங்கேற்பு முக்கியாமாகத் தேவைப்படுதல்

  6. குழுவில் உள்ள அனைவருக்கும் மரியாதைக் கொடுத்தல்

  7. பேசுவதை விட அதிகம் கேட்டல்

  8. தாழ்ச்சி முக்கியமாகத் தேவைப் படுதல்

 9. அடுத்தவருக்குத் தெரிந்ததில் சொல்லுவதில் காண்பிப்பதில் செய்வதில் ஆர்வம் காட்டுதல்

இவை எல்லாம் தான் மக்கள் பங்கேற்பு அணுகுமுறையின் முக்கிய சிறப்பம்சங்கள் என்று ஒருங்கிணைப்பாளர்கள் எங்களுக்கு விளக்கினார்கள்.  

இன்று மதியம் உணவிற்கு பின் சுமார் 3 மணியளவில் கூடினோம. இந்த அமர்விலே குறுக்கு நெடுக்கு நடத்தல் பற்றி சிந்திக்கப்பட்டது. குறிப்பாக இதிலே அதனுடைய அவசியத்தையும் செய்யும் விதத்தையும் எப்படி சமுக பொருளாதார சுற்றுச்சுழல் நிலையை புரிந்துகொள்ளுதல் பற்றியும் சிந்திக்கப்பட்டது. ஆதைத்தொடர்ந்து மாலை 4.30 மணியளவில் நாங்கள் ஒரு குழுக்களாக பிரிக்கப்பட்டு இரண்டு கிராமங்களுக்கு சென்றோம். ஒரு அணியானது திரு.பிரபு அவர்களின் வழிகாட்டுதலிலும் மற்றொரு அணி செல்வி. செருமண் அவர்களின் வழிகாட்டுதலிலும் பிரிந்துசென்றோம். இறுதியாக மாலை 7.15 மணிக்கு திரும்பி நாங்கள் இதைப்பற்றி சிறு பரிசோதனை செய்துவிட்டு பிறகு எங்களுக்கு கொடுக்கப்பட்ட குழு வாரியான கட்டுரையாக்கத்தை செய்து முடித்தோம்.

இது எப்படி நிகழ்;த்தப்பட்டது அதற்கு துணைபுரிந்த பாரணிகளை வகப்பில் அறிந்துகொண்டதை பின்வரும் தலைப்புகளில் வவரிக்கப்பட்டது. அவைகள்,

  1. குறுக்கு நெடுக்கு நடத்தலின் அவசியம்

     அ. நாம் செல்லக்கூடிய கிராமத்தின் அரசியல்- சமூக- பொருளாதார- இயற்கைச் சுற்றுச்சூழல் பற்றி தெரிந்துகொள்வதற்கு

         ஆ. அந்த பகுதியிலே உள்ள மண்வகைகள் அவற்றில் விளையும் விசாயப் பயன்கள் மண்ணின் தரம் குணம் பற்றி அறிவதறிகு

       இ. நாம் பயன்படுத்தும் துணைக்கருவிகளைப் (Rappo building tool  ) பயன்படுத்தும் அனுபவம் பெறுவதற்கும் இது அவசியப்படுகிறது.

  2. குறுக்குநெடுக்கு நடத்தலின் செயல்முறை

     அ. எண்களுக்கு ஏற்றார்போல் குழுக்களாக பிரித்தல்

     ஆ. செல்லும் வழியை தேர்ந்தெடுத்தல்

     இ. ஊரின் மையப்பகதிக்கு செல்லுதல்

     ஈ. அறிந்ததை குறித்துவைத்தல்

     உ. மக்களிடம் பேச முயற்சிசெய்தல்

     ஊ. சென்றகிராமத்தின் வரைபடம் வரைதல்

3. குறுக்குநெடுக்கு நடத்துதலின் போது குறுத்துக்கொள்ளப்பட வேண்டியவை

      அ. செல்லும் வழியின் பெயர்

      ஆ. மண்வகையின் பிரிவுகள்

       இ. பயிரிடப்படும் பயிர்களின் வகைகள் பெயர்கள்

       ஈ. அக்கிராமத்தில் உள்ள கால்நடைகளைப் பற்றிய எண்ணிக்கை குறிப்பு

 உ.அந்தக்கிராமத்தின் முன்னேற்றத்திற்கு செய்யப்பட வேண்டிய காரியங்கள்

  ஊ. கிராமத்தின் உள் வடிவம் மற்றும் கிராமத்தில் காணப்படும் பொதுப்பயன்பாடுகள் பற்றிய குறிப்பு (infra structurre)

 எ. கிராமத்தின் காணப்படும் வாய்ப்பு-வசதிகள் பற்றி குறிப்பு

போன்றவைகள் குறித்துகொள்ளப்பட வேண்டியவையாக உள்ளன. இவ்வாறாக இந்த வகுப்பில் விவாதிக்கப்பட்;;ட இவற்றின் அடிப்படையிலேதான் நாங்கள் குழுக்களாக சென்று கிராமத்தைப்பற்றிய கணக்கெடுப்பு செய்தோம். அதையே இன்று இரவுக்குள் குழுக்களோடு கலந்துரையாடி கட்டுரையாக்கம் செய்யப்பட்டு மறுநாள் விவாதிக்கப்பட்டது.

                           சகோ. நிக்கோலாஸ், சகோ. ராபர்ட்

22.09.09

இந்த குமுக பகுப்பாய்வின் மூன்றாவது நாளான இன்று வழக்கம் போல் எம் களப்பணியானது நாட்டுப்புற கலைகளோடு துவங்கியது. காலை உணவிற்கு பிறகு 10.30 மணி போல் எம் சமுக பகுப்பாய்வின் வகுப்புகள் சிறிய செபத்துடன் துவங்கியது. அதன் பிறகு முந்தய நாளின் செய்திகளை குறிப்பாக குறுக்கு நெடுக்கு, நீங்கள் செய்வது, 100 நாள் வேலை வாய்ப்பு திட்டம் ஆகியவற்றைப் பற்றி குழு வாரியாக் வழிநடத்துனர் திரு.ஸ்டிபன் தலைமையில் பகிர்வுகள் நடைபெற்றது. முதல் குழுவில் சகோ. சுரேஸ்குமார் மற்றும் சுரேஸ் பாபு ஆகியோர் வாழக்காய்பட்டியில் செய்த குறுக்கு நெடுக்கு பயணத்தை பற்றி விளக்கினார்கள். சகோ. பிரான்சிஸ் மற்றும் லியோ பார்த்தல், கேட்டல், உள்வாங்குதல் என்ற தலைப்பில் அக்கிராம அமைப்பை உணவு, சொத்து, தொழில், கல்வி, சமுக அமைப்பு, சுற்றுச்சூழல், மண்வகைகள், விவசாய நிலங்கள் என்ற தலைப்பில் வரி வரியாக விளக்கினார்கள். ஆதன் பிறகு சகோ. ரெக்ஸ், சகோ. அஜின் ஊரக வேலை வாய்ப்புத் திட்டத்தைப் பற்றி விளக்கினார்கள். அதனைத் தொடர்ந்து சகோ. மரிய தாஸ், சகோ. அலெக்ஸாண்டர் ஆகியோர் களப்பணியின் போது ஏற்பட்ட உணர்வுகளை உயிரோட்டமாக விளக்கினார்கள். இவர்ள் அனைவரும் களப்பணியாளர் செருமனி அவர்களின் துணையால் இயங்கினார்கள். பிறகு பேரா. ஸ்டீபன் அவர்கள் முதல் குழுவின் பகிர்வைப் பற்றிய ஒரு விமர்சனம் தந்து அவர்கள் விட்டு விட்டதை தெளிவுபடுத்தினார்.

பிறகு 12.25 மணியளவி;ல் களப்பணியாளர் பிரபு அவர்களின் தலைமையில் தண்டல்காரன்பட்டியில் நடைபெற்ற சமுக கலந்தாய்வினைப் பற்றி ஒரு பகிர்வு நடைபெற்றது. ஆதில் சகோ. ஜேம்ஸ், சகோ. இளங்கோ அவ்வூரின் குறுக்கு நெடுக்கு நடை பற்றியும் வெளிப்புறத்தோற்றத்தையும் பகிர்ந்தனர். பிறகு சகோ. சுதாகர், சகோ. நிக்கோலஸ் மற்றும் சகோ. ராயப்பன் அலசலும், அறிதலும், அனுபவமும் என்ற தலைப்பில் அக்கிராமத்தைப் பற்றி பகிர்ந்தனர். சகோ. ஜேம்ஸ் சகோ. நிக்கோலஸ் ஆகியோர் 100 நாள் வேலை வாய்ப்பு தி;ட்டத்தைப் பற்றி ஒரு அறிமுகத்தையும் அதன் நிறை குறைகள் பிரச்சனைகள் தேவைகள் பற்றி விளக்கினர். ஆதன் பிறகு சகோ. கென்னடி அவர்கள் களப்பாய்வின் போது ஏற்பட்ட உணர்வுகளைப் பகிர்ந்தார். பிறகு பேரா. ஸ்டீபன் அவர்கள் அந்தப் பகிர்வினை வழிநடத்தினார். ஆமர்வு முடிவுக்கு வந்தது.

பி.ஆர். எ. யின் கருவிகள் அல்லது யுக்திகள்

இரண்டாம் நிலை தகவல் திரட்டல்:

நோக்கம்:

     ஒரு சமுகத்தின் வளர்ச்சி நிலையையும் அதனைப் பற்றிய அடிப்படை அறிவும் வழங்குவது.

 அணுகுமுறை:

 1. ஒரு சமுகத்தின் குழுக்கள், நிறுவனங்கள், ஆண்-பெண் பற்றிய எண்ணிக்கையைத் தருவது.

     2. ஒரு கிராமத்தின் முக்கிய வரலாற்று நிகழ்வு

     3. சமயங்களைப் பற்றிய புள்ளி விவரம்

     4. இயற்கை காரணிகள்(நிலம், நீர், காடு)

     5. பயிர் வகைகள்

     6. சமுதாயத்தின் குழுக்கள் மற்றும் அமைப்புகள்

     7. சமுக-பொருளாதார விளக்கம்

தகவல் பெறும் வழிமுறை

     1. வெளியில் இருந்து தகவல் பெறுவது(மக்கள் தொகை கணக்கெடுப்பு, அறிக்கை, கிராமத்தைப் பற்றிய வரைபடம்)

பி. ஆர். ஏ. யின் யுக்திகள் :

     1.குழு பரிமாணங்கள், அறிந்து கொள்ளுதல், திருப்பி பார்த்தல்.

  2. மாதிரி பார்த்தல், குறுக்கு நெடுக்கு நடை, சொத்து மதிப்பீடு, சமுக வரைபடம்

வெண் வரைபடம் :

  இதன் நோக்கம்:

     ஒரு கிராமத்தில் செயல்படும் நிறுவனங்களுக்கும், மக்களுக்கும் உள்ள தொடர்பை குறித்துக் காட்டுவது

அணுகுமுறை

  1.இயங்குகின்ற நிறுவனங்களின் எண்ணிக்கை

  2. நிறுவனங்கள் ஆற்றும் பங்கு

  3. மக்களின் வளர்ச்சிக்கு நிறுவனம் ஆற்றும் பங்கு

  4. நிறுவனங்களில் உள்ள நபர்கள்

  5. நிறுவனங்களின் செயல்பாடு

வெண் வரைபடம் எவ்வாறு உறுவாக்கப்படுவது என்று கற்றுக்கொள்ள பேரா. ஸ்டீபன் அவர்கள் சில வழிமுறைகளை கற்றுத்தந்தார்கள்.

கேட்க வேண்டிய கேள்விகள்

 1.ஏத்தனை நிறுவனங்கள், அவை ஊருக்கு உள்ளே அல்லது வெளியே எவ்வளவு தூரம்

  2.இந்த வரைபடத்தை மக்களைக் கொண்டு வரையவேண்டும். இதன் முலம் மக்கள் தங்களின் ஊரைப் பற்றிய தெளிவைப் பெறுகிறார்கள்ம.

  3. கிராம நிர்வாகத்தின் குறைநிறைகளை அறிந்துகொள்ள

 4. சமுகத்தின் ஆதாரங்களை அறிந்து கொள்ள வெண் வரைபடம் உதவுகிறது.

அதன் பிண்ணனியில் நாங்கள் களப்பணியாளர் பிரபு மற்றும் களப்பணியாளர் செருமனி தலைமையில்  இரண்டு குழுக்களாகப் பிரிந்து வாழக்காய்பட்டிக்கு சென்றோம். ஆங்கு மக்களை ஒன்று கூட்டி வெண் வரைபடம் வரைந்தோம். ஆவ்வூரில் இயங்கும் அரசு நிர்வாகங்கள் எந்த அளவிற்கு அவர்களுக்கு பயனுள்ளதாக இருக்கிறது என்பதை அவர்களே வெண்வரைபடம் முலம் உணர்ந்தார்கள். பிறகு இரண்டு குழுக்களும் ஊரின் மையப்பகுதிக்கு வந்து மக்களை ஒன்றுகூட்டி அவர்களே ஊரின் வரைபடத்தை வரைந்து அவ்வூரின் உள்ளதை அதிலும் குறிப்பாக அவர்களின் கல்வி நிலையை அவர்களே உணர்ந்தார்கள்.

  பின்னர் பேரா. ஸ்டீபன், களப்பணியாளர்கள் பிரபு, செர்மனி, நாங்கள் மற்றும் மக்கள் துணைகொண்டு ஊரின் அமைப்பைப் பற்றிய  தெளிவுகளைப் பெற்று திரும்பினோம்.

சகோ. மரியதாஸ், லியோ

23.09.09

காலை 7 மணிக்கு கிராமியக் கலைநிலைகளோடு நாளைத் தொடங்கினோம். காலை 9.30 மணிக்கு அமல அன்னை(I.C.M) கன்னியர் இல்லத்தில் திண்டுக்கல் சமூக சேவை அமைப்பினரால் நடத்தப்பட்ட அரசு சாரா தொண்டு நிறுவனங்களின் தமிழ் நாடு புதுச்சேரி இணையக்கூட்டத்தில் நாங்கள் பங்கு கொண்டோம். இதில் அனைத்து அரசு சாரா தொண்டு நிறுவனங்களின் பணிகளைப் பற்றி விளக்கம அளித்தார்கள். துவக்க நிகழ்ச்சியில் சமூகத் தீமைகளைத் ஒழிக்கவும் சமூகம் பற்றிய விழிப்புணர்ச்சியை மக்கள் மத்தியில் ஏற்;படுத்தவும் மனித உரிமை, கல்வி, அடிப்படை வசதி, இயற்கை சக்தியை பாதுகாப்பதே இன்றைய சமூக தொண்டு நிறுவனங்களின் முக்கிய பணி என்று திரு. ஆந்தோனி விளக்கினார். முதல் அமர்வில SINPAD என்ற தொண்டு நிறுவனத்திலிருந்து திரு. ராஜேந்திரன் அவர்கள் உலகமயமாக்கல், தராளமயமாதல், வெப்பமாற்றம்;, காலமாற்றம் போன்றவற்றின் தாக்கங்களை கண்டு கொண்டு அதனை எதிர்கொள்ள மக்களோடு சேர்ந்து இவர்கள் செயல் படவதாக விளக்கினார்.   அதற்கு பிறகு JASUL என்ற தொண்டு நிறுவனம் நிலைத்த வாழ்வாதாரத்திற்கான கூட்டு செயல்பாடுகள் பற்றி விளக்கினார்கள். வாழ்வாதாரம் குறித்த பார்வையை மக்களுக்கு கொண்டு செல்வதும், இதில் வெள்ளம், இயற்கைச் சீற்றம் போன்றவற்றால் வருங்கால சந்ததியின் வாழ்வாதாரம் எப்படி பாதிக்கப்படுகிறது என்பதையும் நமக்கு கூறினார்கள். இதனால் நிலம், நீர், காடு, கால்நடைகள், மனிதமே பாதிக்கபடுகின்றன என்று கூறி முடித்தார்கள்.

அடுத்ததாக TNForce,  சென்னையில் இருந்து திருமதி.தமிழ்செல்வி என்பவர் குழந்தை உரிமை மீறல் பற்றி எங்களுக்கு எடுத்து கூறினார்கள். 1வயது முதல் 6வயது வரை உள்ள குழந்தைகளுக்கு அனைத்து விதமான பராமரிப்புக்கு தேவையானவற்றை உறுதிப்படுத்துதல் இந்த தொண்டு நிறவனத்தில் 128 இணையதளங்களை (NetWorking)  தமிழ்நாடு முழுவதும் கொண்டு செயல் படுவதாக அவர்கள் கூறினார்கள்.

இரண்டாவது அமர்வு தொடக்கத்தில் HRFDL  என்ற தொண்டு நிறுவனத்தில் இருந்து திரு.ராஜேந்திரன் தாழ்த்தப்பட்டோர்க்கு அனைத்து உரிமைகளும் கிடைக்கவும், அவர்களை அடிமை நிலையில் இருந்து விடிவிக்கவும் இவர்கள் போராடுவதாக விளக்கினர். மேலும் ஆரியரின் வருகையால். இந்து மதத்தில் மனிதன் சாதி என்ற பெயரில் மிதிக்கப்படுகிறான் என்றும் இது பிறகு எல்லா மதத்திலும் பரப்பப் பட்டதாகவும் எங்களுக்கு விளக்கினார்.

பின் சமச்சிர் கல்விப் பற்றி திரு.ஞானமணி அவர்கள் அனைவருக்கும் கல்வி தேவை, கல்வி தேவை, என்பது இன்றைய கால கட்டத்தில் மிகவும் முக்கியமாக ஒன்று என்றும் எங்களுக்கு விளக்கினார். மூன்றாவது அமர்வில் தமிழ்நாடு நிதி பாதுகாப்பு கூட்டமைப்பில் இருந்து தண்ணீரை நாம் பாதுகாக்க வேண்டும் என்றும், தண்ணீர் நமது வாழ்விற்கு சொத்து என்றும் அது நமக்கு மிகவும் முக்கியமாக தேவைப்படுவதாகவும், மக்களுக்கு விளக்களமளித்தார்.

பிறகு தலித்த விடுதலைக்கான மாற்று முன்னனியில் இருந்து அம்பேத்கரின் கொள்கையை அடித்தள மக்களுக்கு கொண்ட சென்று மக்களுக்கு விழிப்புணர்வு கொடுப்பதும், எந்த ஒரு கட்சியையும் சேராமல் தனித்து செயல்படுவதும், எந்த ஒரு தலித் விடுதலையை விரும்பும் யாரும் இதில் சேர்ந்து செயல்படலாம் என்று விளக்கினார்கள்.

இத்துடன் இன்றைய நிகழ்வுகள் முடிவடைந்து இரவு 7மணியளவில் நாங்கள் எங்கள் தங்கும் இல்லம் வந்து சேர்ந்தோம்

                                சகோ.கென்னடி, ஜஸ்டின் சுதாகர்

24.09.2009

இந்த சமூக பகுப்பாய்வின் ஜந்தாவது நாளான இன்று வழக்கம் போல் எம் களப்பணியானது நாட்டுப்புற கலைகளோடு துவங்கியது. காலை 11.00 மணிக்கு எமது வகுப்புகள் ஆரம்பமானது.இந்த அமர்வில் நாங்கள்  22 ஆம் தேதி செய்த ஆய்வினை பகிர்ந்து கொண்டோம். அதே போல் 23ஆம் தேதி நடைபெற்ற தன்னார்வ தொண்டு நிறுவனங்களின் செயல்பாடுகளைப் பற்றியும் ஆய்வுசெய்தோம். இதில் சுமார் 15 நிறுவனங்கள் ஒன்றாக வந்து சமுக ஒற்றுமைக்கு உழைப்பதை நாங்கள் உணர முடிந்தது.

வென் வரைபடம்

  சுரேஸ் மற்றும் றெக்ஸ் வாழைக்காய்பட்டியின் மேற்பகுதியைப் பற்றி எடுத்துரைத்தனர்.

  ராபர்ட் மற்றும் இசபெல்லா வாழைக்காய்பட்டியின் கீழ் பகுதியின் பிரச்சனைகளை எடுத்துரைத்தனர். இங்குஅனைத்தும் ( மருத்துவமனை பஞ்சாயத்து பள்ளி ) போன்ற அனைத்தும் ஊருக்கு வெளியே இருப்பதை உணரமுடிந்தது. தண்ணீர் பிரச்சனை  மிக முக்கியமானதாக எங்களால் உணரமுடிந்தது.

சமுக வரைபடம்

வாழைக்காய்பட்டியை எங்களின் சமுக வரைபடத்ததிற்கு தேர்வு செய்தோம். எனவே மக்களை திரட்டி ஒரு பொது இடத்தில் ஒன்று கூடினோம். சுமார் 20 பேர் ஒன்றாக வந்து கல்வியும் குழந்தைகளும் என்ற கருத்தில் சமூக வரைபடம் வரைந்தனர். இதனை சுதாகர் மற்றும் சுரேஷ்பாபு வழி நடத்தினர். மக்களும் ஒன்றாக வந்து இதற்கு துணைசெய்தனர். இளைஞர்களும் இளம் பெண்களும் சிறு குழந்தைகளும் ஒன்றாக வந்து தங்கள் ஊரின் நிலைமையை தெளிவாக அறிந்து கொண்டனர்.   

பிறகு தேர்ந்தெடுக்கப்பட்ட குழு ஆய்வு பற்றி பேரா. ஸ்டீபன் அவர்கள் விளக்கினார்கள். அதன் தன்மையைப் பற்றியும் அதன் செயல்பாடுகள் பற்றியும் நாங்கள் முழுமையாக உணர்ந்தோம். பிறகு எங்களுக்கு உள்ளே இரு குழுக்களாக பிரிக்கப்பட்டு தேர்ந்தெடுக்கப்பட்ட குழு ஆய்வினை விவாதம் செய்தோம்.

ஒரு குழுவினர் இளைஞர்கள் என்ற முறையில் குரு மாணவர்கள் சந்திக்கும் சவால்கள் பற்றியும் இரண்டாம் குழுவினர் தூய பவுல் குருத்துவக்கல்லூரியின் கல்வி நிலைப்பாடுகளைப் பற்றியும் விவாதம் செய்தனர்.

பிறகு 6 மணியளவில் கிராமத்திற்கு சென்று இரு குழுக்களாகப் பிரிந்து ஆய்வுசெய்தனர். ஒரு குழு இளைஞர்களும் சுதந்திரமும் என்ற தலைப்பில் தேர்ந்தெடுக்கப்பட்ட குழு ஆய்வு செய்தது. மற்றொரு குழு முதியவர்களின் பிரச்சனைகளை ஆய்வு செய்தனர்.

 பின்னர் 8.30 மணியளவில் திருப்பலி தொடர்ந்து இரவு உணவுடன் இன்றைய நாள் இனிதே முடிந்தது.  

சகோ.ரெக்ஸ், இளங்கோ

25.09.09

இன்று காலை 7மணி முதல் 9.00மணி வரை காலைகளோடு எங்கள் பயிற்சியை ஆரம்பித்தோம். இன்று சிறப்பாக, புதிதாக ஒயிலாட்டம் கற்று கொண்டோம். பிறகு சரியாக 10.30 மணியளவில் தந்தை ஜான்பீட்டர் அவர்கள், டாக்டர் சகாயம் அவர்களை பற்றி கூறி அமர்வை தொடங்கி வைத்தார். அதன்பிறகு தாங்கள் ஒவ்வொருவரும் எங்களை அறிமுகம் செய்து கொண்டோம். பிறகு இந்தியாவின் சாதனைகள், வேதனைகள் என்ற தலைப்பில் நமது இந்தியாவைப் பற்றி திரு. சுகாயம் தெளிவாக விளக்கிக் கூறினார்.அவை பின்வருமாறு.

சாதனைகள்
அமெரிக்காவில் 40 சதம் மருத்துவர்கள் இந்தியர்கள் என்றும், இந்தியாவில் 4500 தாவர வகைகள் மருந்துக்கும் உணவுக்கும் பயன்படுத்தப்பட்டன என்றும், பால், தேயிலை, சினிமா தயாரிப்பு, மொபட், பட்டதாரிகள் உருவாக்கத்தில் இந்தியா முதலிடம் வகிப்பதாகவும், புகையிலை, நெல், பருத்தி, கோதுமை உற்பத்தியில் 2-ம் இடம் வகிப்பதாகவும் அவர் கூறியது எங்களை வியப்படையச் செய்தது. 

வேதனைகள்
இந்திய வருமானத்தில் 20 சதம் தான் மக்களிடையேப் போய் சேருகிறது. குடந்த 10 வருடத்தில் 16,000 விவசாயிகள் தற்கொலை செய்துள்ளனர். பாலியல் தொழில் புரிவோர் அதிகம் விதவைகள் எனச் சொன்ன போது மிகுந்த வருத்தமளித்தது. கேள்வி நேரத்தின் போது சகோதரர்கள் தங்கள் சந்தேகங்களைக் கேட்டு தெளிவானப் பதில் பெற்றனர்.
எடுத்துக்காட்டாக,
1.பால் உற்பத்தியில் இந்தியா முதலிடம் வகிக்கிறது. ஆனால் போதிய ஊட்டச்சத்து இல்லாமல் இறக்கும் குழந்தைகளின் விகிதம் அதிகமாக உள்ளதே?
2.பெரிய பெரிய பணக்காரர்கள் அதிகம் நம் நாட்டில் இருப்பினும் ஏன் இன்னும் நம் நாடு இந்நிலையில் இருக்கிறது?

பிறகு மதியம் நடந்த வகுப்பில் விதவைகள் என்ற குறும்படம் காண்பிக்கப்பட்டது.அதிலே ஒரு விதவைப் பெண் இந்த சமூகத்தில் சந்திக்கும் அவலங்கள், வேதனைகள், சமூகத்தின் ஓரந்தள்ளப் பட்ட நிலையில் மக்கள் அவளைப்பார்த்து கூறும் இழிசொற்கள் போன்றவற்றை அந்தக் குறும்படம் தெளிவாக விளக்கியது. பிளகு மாணவர்கள், வளர்ந்துவிட்ட இந்த நாகரீகக் காலத்திலே இதைப் போன்ற மூடப்பழக்கத்திற்கு அடிமையாகிவிடக்கூடாது என்னும் தங்கள் கருத்துக்களை முன் வைத்தனர். 

பிறகு மாலை 4.30 மணியளவில் வாழைக்காய்பட்டி கிராமத்திற்கு சென்று மக்கள் அனைவரையும் ஒன்று திரட்டி சமூக வரைபடமும், குழு கலந்துரையாடல் என்ற இரு கருவிகளைப் பயன்படுத்தி ஆய்வுசெய்தோம். பிறகு 8.00 மணியளவில் திருப்பலி கொண்டாடி அதிலே சிறப்பாக நாட்டுத் தலைவர்களுக்காகவும்,மக்கள் இழந்து போன தங்கள் உரிமைகளை மீண்டும் பெற வேண்டியும் செபித்து இந்நாளை இனிதே நிறைவு செய்தோம். 

                                      சகோ.அலெக்ஸ் , ஜேம்ஸ்

26-09-09

விரிவுரையாளர் : அருட்பணி. மரிய அருள் சேசு காலை10.00 மணியளவில் அருட்பணி. மரிய அருள் சேசு அவர்கள் தலித் இன வேறுபாடு பற்றிய தனது பரந்துபட்ட கருத்துக்களை உண்மைகளை பகிர்ந்து கொண்டார்கள்.முதல் அமர்வு 10.00 முதல் 11.00 மணிவரை நடைபெற்றது.

ஓவ்வொரு மனிதனும் ஓரு கலாச்சாரத்தின் படைப்பாதக இருக்கின்றான். இக்கலாச்சாரம் தான் இந்தியாவின் தாண்மையை நிர்ணயிக்கின்றது. திருமணங்கள் குறிப்பிட்ட சாதிக்குள்தான் நடைபெறுகின்றது. ஜாதியைத்தாண்டி மக்கள் வருவதில்லை. நான் வேறு நீ வேறு என்பதை விட, நான் தான் சிறந்தவன், பெரியவன் என்ற எண்ணமும் செயல்பாடும்தான் சமுகத்தின் சீர்கேட்டிற்கு காரணம் என விளக்கப்பட்டது. ஜாதியத்தை கட்டிக்காக்க பெண் கருவியாக்கப்பட்டதை தெளிவுபடுத்தினார்.  

பின்னர் இரண்டாம் அமர்வு 11.15 முதல் 12.30 வரை நடைபெற்றது. உலகை ஆட்டிப்படைக்கும் வேறுபாடுகளான இனவெறி நிறவெறி என்பது எலும்பு உடல் அமைப்பு போன்றவற்றின் அடிப்படையில் வேறுபாடு காட்டப்படுகின்றது. நுpறவெறியில் நிறம் வேறுபடுத்திக்காட்டப்படுகிறது. ஆனால் இல்லாத ஒன்றை இருப்பதாக நிகழ்த்திக்காட்டுவது சாதிவேறுபாடு என்ற உண்மை புலப்படுத்தப்பட்டது. இது

1.  அகமணமுறை

2.  திருவிழாக்கள்

3.  இட்டப்பெயர்,தொட்டபெயர்

4.  சொல்லாடல்

5. உடல்மொழி 

போன்றவற்றால் உறுதிபடுத்தப்படுகிறது. சாதியின் அன்றாடப்பழக்கவழக்கங்கள் பற்றிய மூன்றாவது அமர்வு நண்பகல் 12.30 முதல் 1.30 வரை நடைபெற்றது. சாதிய வேறுபாடுகளின் அன்றாட பழக்கவழக்கங்களைப் பற்றி அருட்தந்தை விளக்கினார்.

• ஊரின் சமூகஅமைப்பை பார்க்கும் போது கிழக்கு சனி மூலையில் தாழ்த்தப்பட்டவர்கள் இருப்பதை காணலாம்
•  குடும்பத்தின் புலம் பெயர்ந்த கதைகள் வழி அறியலாம்
• வாழ்விற்கும் வாழ்வைக் கூறுபோடும் தொன்மங்கள் வழியாக அறியலாம்
• சாமிகள் வழியாக அறியலாம்
• வெள்ளம் பஞ்சம் போன்ற துயர சம்பவங்களால் புலம் பெயர்ந்த கதைகள் மூலம் அறியலாம்
•  நினைவுகள் பதிவுசெய்யப்படும் பாணிகள் மூலம் அறியலாம்

இவையனைத்தும் ஆதிக்க சக்திக்கும் அடிமைப்படுத்தப்படும் சக்திக்கும் இடையில் நடைபெறும் போராட்டத்தை விளக்குவதாக எடுத்துக்கூறினார். சாதியப்படிநிலையை சாதிய ஒழிப்பு, சும்மாஇருத்தல் எனும் இருவேறு அம்சங்கள் குறுக்கீடு செய்கின்றன என்றும் அகவயப்பார்வை, புறவயப்பார்வை என இருவேறுபட்ட பார்வைகள் இருப்பதையும் விளக்கிக்கூறி தன்னிலைத் தெளிவு பெறத்தூண்டினார். இறுதியாக உலகின் பாவங்களில் ஒவ்வொறுவரும் ஒரு அம்சம் எனக்கூறி இதை மாற்ற என்ன செய்யப் போகிறோம் என்ற தான்மைத் தெளிவு பெறச்செய்வதோடு அதை எழுதிவைத்துக்கொள்ளுமாறு அறிவுறித்தினார்.

இறுதியாக சகோ. இசபெல்லா நன்றியுரைக் கூற 'தலித் இனவேறுபாடு' பற்றிய அமர்வு நிறைவுபெற்றது.

மாலை 2.30 மணி முதல் 3.30 மணிவரை நடைபெற்ற நான்காம் அமர்வு பெண்ணடிமைத்தனத்தின் வரலாற்றைப்பற்றியதாக இருந்தது. வழக்கறிஞர் திருமதி. ரமணிமேத்யு உரையாளராக அழைக்கப்பட்டிருனந்தார். ஆமர்வின் தொடக்கத்தில்

1.  பெண்ணின் சமூகபிரச்சனைகள்

2.  காரணங்கள்

3.  தீர்வுகள்

என்ற கேள்விகளின் அடிப்படையில் குழு கலந்துரையாடலும் கருத்துப்பகிர்வும் நடைபெற்றது.

ஆண் பெண் ஏற்றத்தாழ்வு பிறப்பிலிருந்தே ஆரம்பமாகின்றது. உலகின் ½ பெண்கள். வேலையிலிருக்கும் பெண்கள் 2/3. ஊதியம் பெறும் பெண்கள் 1/10. சொத்து வைத்துள்ள பெண்கள் 1/100 என ஜ.நா அறிக்கையில் பெண்களின் நிலையைத் தெளிவாக எடுத்துக்காட்டினார்.

பெண்கள்தான் தொடக்கத்தில் தலைமைத்தாங்கி வேட்டையாடச் செல்பவர்களாகவும் இருந்திருக்கின்றனர். நாளடைவில் பெண்ணின் உடல் பலவீனத்தை பயன்படுத்தி ஆண்கள் அவர்களை அடிமைப்படுத்திவிட்டார்கள். இதிலிருந்து பெண்கள் விடுதலைபெற தன்னிலைத் தெளிவு தேவை எனக்கூறி தனது உரையை முடித்தார்கள். இறுதியாக சகோ. சுரேஷ் குமார் திருமதி. ருமணி மேத்யு அம்மா அவர்களுக்கு நன்றி கூறினார். மாலை 5.30 மணிக்கு சிறிய செபவழிபாடு நடைபெற்றது. பின்னர் ஆயுத பூஜையை முன்னிட்டு அலுவலகத்தை சுத்தம் செய்தோம். மாலை 7 மணியளவில் சக்தி கலைக்குழுவின் கலைநிகழ்ச்சியைக் கண்டுகளிக்க சென்றோம். இரவு 9 மணியளவில் இனிதே இல்லம் திரும்பினோம்.

சகோ. இசபெல்லா, பிரான்சிஸ்

27.09.09

வாரத்தின் துவக்க நாளான இன்று காலை 7.00 மணிக்கு எங்களது கலைப்பயிற்சியைத் துவங்கினோம். 9.00 மணிக்கு பயிற்சி நிறைவு பெற்று திறனாய்வு நடத்தப்பட்டது. கற்றுக்கொடுத்த ஆசிரியர்களுக்கு நன்றி நவிலப்பட்டது.

திண்டுக்கல் தொகுதி எம்.எல்.ஏ பாலபாரதி அவர்கள் காலை 11 மணியளவில் இந்திய, தமிழக அரசியல் பற்றி விரிவாகக் கூறினார். 2000 ஆண்டுகளுக்கு முன்பு ஏற்பட்ட மன்னராட்சி முறையே அரசியல் கட்சிகள் தோன்ற வழிவகுத்தது. பின்பு சில உயர்சாதியினரின் சுயநலனுக்காக தோன்றிய சங்கங்கள் மக்களை அடக்கி ஆண்டது. அதுவே இன்று சாதிய அரசியல் நடைபெற உதவுகிறது என்றும், மக்கள் வளர்ச்சி அல்ல மாறாக தனது கட்சியின் வளர்ச்சியே முக்கிய நோக்கமாகக் கொண்டு கட்சிகள் செயல்படுகின்றன என்று குற்றம் சாட்டினார். தான் செய்யும் பணிகள்  எவ்வாறு ஆளும் கட்சியினரால் முட்டுக்கட்டைப் போடப்படுகின்றன என்பது பற்றியும் அரசியலின் இன்றையத் போக்குகளையும் எடுத்துக்கூறி தனது உரையினை நிறைவுசெய்தார்.

பின்பு 12.15 மணியளவில் முனைவர்.மணிவேல், திண்டுக்கல் காந்தி கிராம பல்கலைக் கழக நாட்டுப்புறவியல்துறைப் பேராசிரியர் அவர்கள் இந்கிய பொருளாதார முறைகளைத் தெளிவுப் படுத்தினார். ஓரு நாடு தனது மனித இயற்கை வளங்களை முழமையாகப் பயன்படுத்தும் நிலையில் இருப்பதே வளர்ந்த நாடு எனவும் இந்திய நாட்டின் விவசாய மற்றும் மக்கள் வளத்தையும் தெளிவுபடுத்தினார். வேலையில்லாத் திண்டாட்டத்தினால் குடும்ப பொருளாதாரம் எவ்வாறு பாதிப்புக்குள்ளாகிறது என்பதை விளக்கிக்கூறினார்.

மதியம் 3.00 மணியளவில் திரு. ஜேம்ஸ் விக்டர் அவர்கள் 'தகவல் அறியும் உரிமைச் சட்டம் 2005' எந்த அளவிற்கு பயனுள்ளதாக இருக்கிறது என்பதை நல்லத் தெளிவோடும், தம் சொந்த அனுபவங்கள் வாயிலாகவும் விளக்கினார்.


சட்டத்தைப் பயன்படுத்தும் முறை:

அனுப்புனர்
           'தெளிவான முழு முகவரி'
பெறுநர்
         'சம்பந்தப் பட்ட துறை முகவரி'
பொருள் : 
               தகவல் அறியும் உரிமைச் சட்டம் 2005-பிரிவு-6-ன் படி....எனத்தொடங்கி நமது தேவைகளை தெளிவாக எழுதவேண்டும். 

இந்த அமர்வு நிறைவு பெற்றதும் 5.30 மணியளவில் மாணவர்கள் கள அனுபவத்திற்காக தங்களது கிராமங்களுக்கு அவர்கள் தங்கவிருக்கும் குடும்பத்திலிருந்து வந்திருந்தவரோடு சென்றனர்.

சகோ.சுரேஸ் குமார், ஜேம்ஸ்

28.09.09

இன்றைய நிகழ்வுகளை அனைத்தும் கருத்து நிறைந்த சமுதாய மற்றும் மனித உரிமை சம்மபந்தப்பட்ட இந்திய வரலாற்றையே புரட்டி போடுகிற ஆரிய-பார்ப்பன வகுப்பு வாதம் பற்றி அருட்தந்தை பால் மைக்கேல் அவர்கள் மிகவும் தெளிவாக விளக்கினார்.

சாதி, மத, இன, மொழி, இதில் வேற்றுமை பாராட்டாமல் மன்னராட்சி முறை ஒழிந்து மக்களாட்சியை மையமாகக் கொண்டு வளரும் இந்தியா இன்று இனம் பிரிக்கப்பட்டு மதச்சாயம் பூசப்பட்டு மனித உரிமை மீறப்பட்டு மனிதனே மனிதனை அழிக்கும் அவலநிலை இந்தியாவில் இருக்கிறது என்றால் அதற்கு முதற்க்காரணம் R.S.S என்ற அமைப்பாகும்.

R.S.S அமைப்பின் நோக்கம்

  1992-ஆம் ஆண்டு விஜயதசமி அன்று உருவாக்கப்பட்ட இந்த அமைப்பு பார்ப்பன இளையோருக்கு உண்டானது. தொடக்கத்தில் இந்த இயக்கம் உடற்பயிற்சியில் கவனம் செலுத்தியது. பிறகு இதன் மூலம் நச்சுக் கருத்தியை இறையோர் மனதிலே ஏற்ற ஆரம்பித்தது. இந்த அமைப்பு ஹெட்கேவார் என்ற பாப்பரைரால் நாக்பூரில் உருவானது.

R.S.Sஅமைப்பின் தாக்கம்:-

• சிறுபான்மையினரை அதிலும் குறிப்பாக முஸ்லீம், கிறிஸ்தவர்களை வெறித்தனமாக தாக்குவது.
• இந்திய வரலாற்றினையே திரித்துக் கூறுவது.
• முஸ்லீம் மற்றும் கிறிஸ்தவர்களை அந்நியர்களாக பார்ப்பது. போன்றவைகள்
• இந்த R.S.S ன் கருத்தியல்களை இந்து இணையோர் மனதில் வேரூரின்றிச் செய்து எப்போதும் முஸ்லீம் மற்றும் கிறிஸ்தவர்களை எதிரிகளாக அவர்களுக்கு சித்தரிப்பது.

இந்த R.S.S. இயக்கம் மதத்தினை மையமாக வைத்து மனிதத்தினை அழிக்கிறது. இதனால் மனித உரிமைகள் மீறப்படுகிறது. இதனால் ஏற்பட்ட விளைவுகளையும் குறிப்பாக பாபர் மசூதி இடிப்பு, அருட்சகோதரிகள் மீது தாக்குதல், பாதரியார் ஸ்டயின் மற்றும் அவர் குழந்தைகள் எரிப்பு, கோத்ரா ரயில்பெட்டி எரிப்பு, இதனால் இஸ்லாமியர் கொல்லப்பட்டது.

இன்னும் இது போன்று நாச வேலைகளை செய்யும் இந்த R.S.S அமைப்பு இந்தியாவில் மிகப்பெரிய கேள்விக்குறியாக இருக்கிறது என்றும் இதனால் சிறுபான்மையினர் வாழ்க்கை ஒரு கேள்விக்குறி என்றும் தெளிவாக தந்தை பால்மைக்கேல் இன்றைய நாளில் எங்களுக்கு எடுத்துச் சொன்னார்.

                                     -சகோ.ஜேம்ஸ், மரியதாஸ்

06.01.2009

சமூக பகுப்பாய்வின் ஒரு பகுதியை முடித்துவிட்டு அக்டோபர் 6-ஆம் தேதி காலை அனைவரும் வந்தோம். காலை 10மணிக்கு திரு.ஸ்டீபன் வழிகாட்டுதலில் அருட்;.திரு.ஜான்பீட்டர், அருட்.திரு.செபஸ்டின், அருட்.திரு.மைக்கில் ஜோ, உரையாளர்கள் புனித பவுல் இறையியல் கல்லூரி மற்றும் அருட்.திரு.ஆரோக்கியம் ளு.து, திரு.திரவியம் அவர்களின் முன்னிலையில் எங்களுடைய சமூகப் பகுப்பாய்வின் அறிக்கையை P.R.A. கருவிகளை பயன்படுத்தி கொடுத்தோம். அதை அனைத்தையும் ஒருங்கிணைத்து இதில் எழுதியுள்ளோம்.

சகோதரர்கள் பெயர், சென்ற ஊர் மற்றும் செய்த வேலைகளை இங்கு பட்டியலிட்டு உள்ளோம்.

முதலாண்டு இறையில் மாணவர்களாகிய நாங்கள் எங்கள் குழுமத்தின் வளாகத்திற்கு வெளியில் உள்ள விரைவு உலகினையும், நாங்கள் வாழ்கின்ற வாழ்க்கை முறை மற்றும் கற்கின்ற இறையியவையும் ஒப்பிட்டுச் சிந்திக்கும் பொழுது, எங்களை அறியாத ஒரு நெருடல் எங்களைத் துளைத்துக் கொண்டே இருக்கிறது. ஒரு வேளை நாம் உள்ளே மேற்கொள்ளும் படிப்பும் பயிற்சியும் குமுகத் தொடர்பற்றதாக இயற்கைக்கு எதிரானதாக இருக்கும் வாழ்க்கைக்கு வழிவகுத்துவிடுமோ என்ற தேடலில் விளைந்த சீரிய முயற்சியில் 'சமூகப் பகுப்பாய்வுப் பயிற்சிப்பட்டறையை' முடித்து சமூக பகுப்பாய்வுப் பயிற்சிக்காக நாங்கள் எங்ள் தளங்களை நோக்கி 29-ந்தேதி செப்டம்பர் மாதம் மாலை 5.30மணிக்கு உண்மைகளை மக்களின் எதாhத்த வாழ்வியலோடு உரசிப்பார்க்க 15 முதலமாண்டு இறையியல் மாணவர்கள் பிரிந்து சென்றோம்.

வ.எண் - பெயர் -ஊர்- வேலை

1.அஜின்   - கன்னிமார் கோவில்   - தோட்ட வேலை

2அலெக்ஸாண்டர் -   கல்லோடை  - தோட்ட வேலை

3 அந்தோணி பிரான்சிஸ் -  கண்ணார்பட்டி - பிளாஸ்டிக் செய்யும் வேலை

4 ஆரோக்கிய இசபெல்லா  - மருதராசிபுரம் - வயல் வேலை

5அருள் ஜேம்ஸ்  - நல்லமநாயக்கன்பட்டி -  வயல் வேலை

6 அருண் ரேக்ஸ்   - கன்னிமார் கோவில்  - தோட்ட வேலை

7 இளங்கோ   - கன்னிமார் கோவில்  - தோட்ட வேலை

8  கென்னடி   - குள்ளவானம் பட்டி    - குடிசை தொழில்

9  ஜஸ்டின் சுதாகர்   - கல்லுப்பட்டி   - வயல் வேலை

10  லியோ ஜோசப்   - யாகப்பன் பட்டி  -  நெசவு தொழில்

11  மரியதாஸ்   - நல்லாம்பட்டி -  மண்யடிக்கும் வேலை

12  நிக்கோலஸ் மாசிடோன்   - கொசவப்பட்டி   - அலுவலக பணியாளர்

13  ராபர்ட் ராயப்பன்   - கன்னிமார் கோவில்   - தோட்ட வேலை

14  சுரேஸ்பாபு   - வாழக்காய் பட்டி  -  கட்டிட வேலை

15  சுரேஸ் குமார் -   மரியநாதபுரம்  -  சிமெண்ட் கல் தயாரிப்பு

வேலை அனுபவம்:

  'விரும்பி ஏற்றதால் வேதனையும்

  சுகமாக மாறிய அனுபவம் எங்கள் வேலை அனுபம்'

நாங்கள் சென்று பல வேலைகளை செய்து சோர்ந்துயிருந்தாலும் மக்களின் பலுவின் நிலையைப் பார்த்து எங்கள் வேலையை தொடர்ந்து செய்வோம். கடின உழைப்பாளிகள் என்பதை இவர்களின் கரங்களே எங்களுக்குச் சொல்லின. இவர்கள் பாசமுடையவர்கள், பகிரும் மனப்பான்மை உடையவர்கள் என்பதை உணர்ந்து அவர்களோடு மகிழந்து வாழ்ந்தோம். இவர்களோடு தங்கியிருந்த அனுபவம் பசுமரத்தாணி போல எங்களுக்குள் பதிந்து உள்ளது.

  'பேனாபுடிச்சு எழுதிய கை உங்களுடையது

   மண்வெட்டி புடிச்சு வேலைசெய்ய முடியுமா?

வேலையப்பத்தி ஏதாவது தெரியுமா உனக்கு'

என்று மக்களின் கேள்வி எங்கள் உடலுக்கு சக்தியும் உளசக்திக்கும் வைத்த சவால், படிப்பறிவு மட்டும் போதாதது, பட்டறிவும் வேண்டும் என்று எங்கள் மனசுக்குப் பரிந்துரை செய்து பேனாவும் புடிக்க தெரியும், மண்வெட்டியும் புடிக்க தெரியும் என்று மக்களோடு இணைந்து கஸ்டப்பட்டு மக்களின் அனுபவத்தை இணைந்து பெற்றோம்.

  'உழைக்காதவன் உண்ணலாகாது' என்ற புனித பவுலின் வார்த்தையை எங்களுள் ஏற்று உழைத்தால்தான் உண்ணவேண்டும் என்ற மனநிலையோடு உண்ணுவதற்காக உழைக்காதவன் உண்கிறான் என்றால் அது சுரண்டலின் வெளிப்பாடாகும்.

  'காலை 6.00மணி முதல் மாலை 8.00மணி வரையும் வேலை செய்து மக்களின் துன்பங்களை பார்த்து மக்களுடைய வேதனையில் பங்கு கொண்டு பலர் உணவில்லாமல் துன்பப்பட்டு பசியால் வாடும் மக்களின் உணர்வை உணர்ந்தோம்.

07.10.2009

காலை 7.00 மணியளவில் அருட்பணி மைக்கில் ஜோ மற்றும் அருட்பணி ஜான்பீட்டர் அவர்கள் திருப்பலி நிறைவேற்றி இன்று காலை 10.00 மணியளவில் முதல் அமர்வு இருந்தது. அருட்பணி ஆரோக்கியம் அவர்கள் சமூகப்பகுபாய்வில் நாங்கள் பெற்ற அனுபவங்களை சீர்தூக்கிப் பார்க்கவும், இறையியலாக்கம் செய்யவும் வழிநடத்தினார்கள்.

ஒடுக்கப்படுவதும், ஓரங்கட்டப்படுவதும் உலக நாடுகள் அனைத்திலும் காணப்படுவதை சில உதாரணங்கள் வழியாக விளக்;கினார்கள். துன்புறும் மக்கள் இறை பணியாளர்களிடம் வாழ்வும் ஏற்பும் கிடைக்கும் என்ற நம்பிக்கையில் வருகின்றனர்.

இந்த உண்மையை அருட்பணியாளர் கொடைக்கானல் பணித்தளத்தில் பெற்ற அனுபத்தார்களின் வழியாக விளக்கினார்கள்.

'கடவுள் ஒடுக்கப்பட்டோரிலும்ஒடுக்கப்பட்டோர் கடவுளிலும்'

இருப்பதை இறைவார்த்தையின் ஒளியில் விளக்கினார்கள்.

கல்விநிறுவனங்கள் நடத்துவது படித்தவர்களுக்கு எளிதான ஒன்று. ஆனால் ஏழைகள், ஒதுக்கப்பட்டேன், ஓரங்கட்டப்பட்டேன் வளர்ச்சிக்காக உழைப்பதே நமது பணியாக இருக்க வேண்டும் இரண்டாம் அமர்வு 11.30 மணியளவில் தொடங்கியது. சமூகத்தின் நடைமுறை உண்மைகளை விமர்சனக் கண்ணோட்டத்தில் அணுகி அதை வளர்ச்சிப்பாதையில் இட்டுச் செல்ல வேண்டும். இயேசு இதைத்தான் செய்தார். விமர்சனக் கண்ணோட்டத்தில் அணுகி உண்மையை அறியாவிடில் சமூகத்தின் பாவம் துறவிகளையும் பாதிக்கலாம் என தெளிவு படுத்தப்பட்டது.

 சமூக, பொருளாதார அரசியல், இனப்பிரச்சனைகள் பற்றி நான்கு குழுவாகப் பிரிந்து எமக்குக் கிடைத்த அனுபவங்களின் அடிப்படையில் ஆய்வு செய்து இறையிலாக்கம் செய்தோம். உடல் உழைப்பு, ஆன்மீகம் மற்றும் அறிவு, பூர்வமாக சுதந்திரம் மறுக்கப்படுவதன் மூலம் அடிமைத்தனம் வருகின்றது. மூன்றாம் அமர்வு 2.45 மணியளவில் அமைந்தது.

  'மக்கள் தங்கள் சொந்தக் காலில் நின்று தங்கள் வாழ்க்கையை நடத்தும் திறமை பெறுவதுதான் வளர்ச்சி'

இயேசு சமூகத்தின் அவலங்களை நன்கு அறிந்து பெண்கள், ஒடுக்கப்பட்டோரின் சார்பாக அவர்களின் விடுதலைகாளாகப் பாடுட்டார்.

தலித் மக்கள், உழைக்கின்ற மக்களின் துன்பங்கள் பற்றியும் அவர்களின் சிற்பபான பண்பு நலன்கள் பற்றியும் கூறி அவர்கள்தான் உயர்வான பண்புள்ள, மதிக்கப்பட வேண்டியவர்கள் என்பதை விளக்கமாகக் கூறினார்கள்.

அடிமைகளாக்கப்பட்ட இஸ்ரேயல் மக்கள் விடுதலை அடைந்தபோது, அவர்கள் அடிமைப் படுத்துவதை பின்பற்றாமல் இருக்கவே இறைவன் கட்டளைகளைத் தருகின்றார். சமூகத்தில் வாழும் ஒவ்வொருவரும் சமூகத்தின் பாதிப்பிற் குட்பட்டவர்கள்தான். எனவே சமூகத்தை சரியாக அணுகி விடுதலைப் பணியாற்ற இன்றைய நாள் உதவியாக அமைந்தது.

இறுதியாக, சகோ, இஸபெல்லா நன்றி நவில மாலை 5.30 மணியளவில் வகுப்பு நிறைவுற்றது. மாலை 6.30வரை வேலை தேடிச்சென்றோம். பின் 7.30வரை கலைநிகழ்ச்சிகள் பற்றிய கலந்துரையாடலும் பயிற்சியும் இருந்தது.

சகோ.இசபெல்லா ,ரெக்ஸ்

8, 9, 10 – நிகழ்வுகள்

 8, 9, 10 ஆகிய தேதிகளில் சகோதரர்கள் அனைவரும் பல்வேறு இடங்களுக்கு வேலைதேடி சென்று, பல வேளைகளில் வேதனையடைந்தும், வேலைக் கிடைக்காமலும் தாமதமாக வேலைக் கிடைத்தும் நாங்கள் துன்பத்திற்கு தள்ளப்பட்டு, வேலைகிடைக்காமல் வாழ்நாள் முழுவதும் துன்பப்படுகின்ற இளைஞர்களை நினைத்து அவர்களுடைய வேதனையில் பங்குகொள்ளுகின்ற வாய்ப்பை பெற்றோம். ஒரு வாரம் வேலை செய்த இடத்திலேயே வேலை செய்தாலும் நாங்கள் இன்று பார்த்த வேலைகளுக்கும், ஒரு வாரம் செய்த வேலைக்கு எங்களுக்கு வித்தியாசம் தெரிந்து. குறிப்பாக சொல்ல வேண்டும் என்றால் காசு வாங்கி வேலைச் செய்வதற்கும், காசு வாங்காமல் வேலைசெய்வதற்கும், பல வித்தியாசங்களை நாங்கள் பார்க்க முடிந்தது. சிலர் சுயமாக வேலைதேடிச் சென்று பல  விதமான வேலையைச் செய்து நாங்கள் பல்வேறுபட்ட அனுபவம் பெற்றோம். உணவுக்கு 20ரூபாயும் கொடுத்து எங்களை அனுப்பி விட்டார்கள். நாங்கள் வேலை செய்து கிடைத்த பணத்தை கொடுத்து இரவு உணவை அலுவலகத்தில் சாப்பிட்டோம். இவ்வாறு  இந்த மூன்று நாட்களும் எங்களுக்கு பல்வேறுபட்ட அனுபவத்தை தந்தது

மாலையில் திருப்பலியும் அதில் எங்கள் அனுபவங்களின் பகிர்வும் இருந்தது மூன்று நாளும் எங்களோடு இருந்து எங்களை வழிநடத்திய தந்தை, நார்பட் எங்கள் அனுபவங்களை ஒருங்கிணைந்து எங்கள் சிந்தனையை தூண்டச் செய்தார்.

கலைப் பயிற்சி மற்றும் கலை அனுபவம்

  'குதிங்காலை மண்ணில் ஊன்றி

அதிகாலைக் கதிராய் கலைகளை முழங்க' என்ற நோக்கை கண்முன் கொண்டு செப்டம்பர் 20, 28-ஆம் தேதி வரை காலை 6.30மணி முதல் 8.30மணி வரை கலைப் பயிற்சியை சக்தி கலைக்குழுவின் ஆசான்களின் உதவியுடன் சகோ, சந்திரா ICM அவர்களின் வழிகாட்டுதலின் பெயரில் கற்று வந்தோம். தப்பாட்டம், ஒயிலாட்டம், சக்கை குச்சியாட்டம், களியாட்டம் கற்று தரப்பட்டது. அதை நாங்கள் நன்கு பயிற்சி எடுத்துக் கொண்டோம்

வழிபாடுகள்:-

இயேசு அதிகாலை மலைக்கு சென்று செபித்து பிறகு மக்கள் பணியில் ஈடுப்பட்டார். அவரை பின்தொடர அழைக்கப்பட்ட நாங்களும் தினமும் காலை முதல் மாலை வரை நடந்த அனைத்து நிகழ்ச்சிகளையும் ஒருங்கிணைந்து இரவு உணவிற்கு முன்பு குழு செபத்துடனோ அல்லது திருப்பலியுடனோ மக்களை முன்வைத்து மக்களுக்காக செபித்தோம், மக்களின் வாழ்வியியல் எதார்த்த சிக்கல்களுடன் உரசிப் பார்க்கும் விதமாக வழிபாட்டினை சிறப்பாக நடத்தினோம். பணியாளர்களின் மறையுரை எங்களை சமூக பிரச்சனைகளுக்கான தொடர் தேடலுக்கு வித்திட்டது. இந்த வழிபாடுகள் சமூக பகுப்பாய்வுக்கு மிகவும் உறுதுணையாக இருந்தது எனபதில் ஐயமில்லை.

சமூக பகுப்பாய்வின் அனுபவங்கள்:-

• இறையிவின் தொடக்கமும் முடிவும் மக்களின் அன்றாட அனுபவங்களில் இருப்பதை உணர்ந்தோம். இறையியலின் தொடர்பைக் களத்தில் காணமுடிந்தது.
•  இயற்கையோடு இணைந்த வாழ்வைச் சுவைக்க முடிந்தது
•  சாதியை அறவே விடுத்து இலக்கு மக்களை மையமாக்கிப் பணியாற்ற ஒரு மனதாக உறுதி எடுத்தோம்
•  சமூகத்தின் அமைப்பை குறிப்பாக அரசியல், பொருளாதாரம், சமயம், பண்பாடு போன்றவற்றை மேலோட்டமாக அல்லாமல் வேரோட்டமாகப் பார்த்து தீர்வுகள் காணமுனைப்பு தந்தது.
•  உடல் உழைப்பின் மேன்மை, அதில் கிடைத்த மனநிறைவு, பணத்தின் தேவை, தன்னிடம் உள்ளத்தைப் பிறரோடு பகிர்ந்து வாழும் நற்பண்பு போன்றவைகளை அனுபவிக்க முடிந்தது.
•  மக்களின் எதிர் நோக்கை நிறைவேற்ற எங்கள் வார்த்தையாலும் வாழ்வாலும் சான்ற பகர நிலைப்பாடு எடுக்க முடிந்தது.
•  எத்தகைய வாழ்க்கைச் சூழலிலும், வளமையிலும் வறுமையிலும் வாழும் அனுபவம் கிடைத்தது.
•  சமூக வாழ்வின் பணியில் இன்றியமையாயைக் கற்க முடிந்தது.
•  ஏழையாக, ஏழையின் மனநிலையில், எளிய உள்ளத்துடன் வாழ மக்கள் கற்றுத் தந்தார்கள்.
•  இலக்க மக்களின் சாதனை வெறியை நாங்கள் காணும் போது, எங்களுக்கும் இலக்கு தேவை என்பதை உணர வைத்தது.
•  உலகில் பலவிதமான பிரச்சனைகள் உள்ளன அவற்றை புரிந்துவாழ இந்த சமூக பகுப்பாய்வு எங்களை தூண்டியது.
•  சகோதர்களின் அனுபவங்களை ஒருங்கிணைந்து இதில் கூறியுள்ளோம். பணிந்து போக மாட்டோம். எவருக்கும் பயந்து வாழமாட்டோம், தலித்து என்று சொல்வோம், எவருக்கும் தலைவணங்க மாட்டோம் என்ற எழுச்சி கீதத்தை விடுதலைப் பாணியில் மக்களை எழுப்பி உள்ளதை கண்டோம். இதுவே எங்கள் இறையிலையும் சிந்திக்க எங்கள் பணியை தூண்டி எங்களை இறை ஒளியில் அழைத்து சென்றது.
•  இந்த பகிர்வுடன் முடிவு பெறுவது அல்ல உங்கள் பணி இதுதொடர வேண்டும் என்ற கருத்துடன் வழிநடத்துபவர் திரு.ஸ்டீபன் எங்களை தட்டிக்கொடுத்து இந்தக் கருத்து பகிர்வை முடித்து வைத்தார்

.சகோ.பிரான்சிஸ், நிக்கோலாஸ்

!நன்றி