மாடுகளை அனுப்பிவிடுங்கள்
வெள்ளைக்கார மாடுகள்
மேய வருகின்றன
உங்கள் வயிறுகள்
காய வருகின்றன
வெள்ளைக்கார மாடுகள்
மேய வருகின்றன
உங்கள் வயிறுகள்
காய வருகின்றன
சில்லறை வணிகத்தில்
ஆனை கட்டி போரடித்து
போரடித்து விட்டது
இனி அம்பானி பார்த்துக்கொள்வான்
"யூதரென்றும், கிரேக்கரென்றும் இல்லை"
சாத்தான்களுக்கு இதைச் சொன்னது யாரோ?
தின்று கொழுத்த அமெரிக்கனென்றோ
மண்ணைத் தின்னும் சோமாலியனென்றோ
செரிக்க நடக்கும் வெள்ளையனென்றோ
சேரியில் சாகும் சாமானியனென்றோ
பிரிவுக் கொடுமை இனியும் இல்லையாம்!!!
உலகக் கிராமத்தில் நீயும் நானும் ஒண்ணு
நம்பும் உன் வாயில் மண்ணு!
சாத்தான்களுக்கு இதைச் சொன்னது யாரோ?
தின்று கொழுத்த அமெரிக்கனென்றோ
மண்ணைத் தின்னும் சோமாலியனென்றோ
செரிக்க நடக்கும் வெள்ளையனென்றோ
சேரியில் சாகும் சாமானியனென்றோ
பிரிவுக் கொடுமை இனியும் இல்லையாம்!!!
உலகக் கிராமத்தில் நீயும் நானும் ஒண்ணு
நம்பும் உன் வாயில் மண்ணு!
அரசின் அடிமையாக சில காலம்
அரசியின் அடிமையாக இன்னும் சில காலம்
இன்று அமெரிக்க அடிமையாகிப் போன
ஒரு தலைவன் வெட்கமின்றி சொல்கிறான்:
'வால்மார்ட்' வருக! வருக!
'மெகா' உங்கள் சகா!
'டெஸ்கோ', 'கேரிப்போர்'
நமக்குள் என்ன சொற்போர்?
கொள்வார் இருக்க
கடைவிரிக்க தடைவிதியேன்!
சிட்டுக்குருவி லேகியமும்
இனி காந்தி மார்க்கெட்டில் கிடைப்பதில்லை
காந்திக்கே இங்கு மார்க்கெட் இல்லை
என்ன சரக்கோ
வா! வால்மார்ட்டுக்கு!
வெள்ளையன் துணியை
வீதியில் எரிப்போம்
அந்நியப் பொருளை
ஆழியில் வீசுவோம்
சொந்தச் சந்தையை
தூக்கி நிறுத்த
சுதந்திரப் போரில் ஒன்றுபடு
சுதேசியாக வென்றுவிடு
'சுதேசி! சுதேசி! என்று
சொன்னவன் செத்தான்
மற்றவன் அதனை மறந்துவிட்டான்!
அரை மீட்டர் கொடி காக்க
அடிப்ட்டு செத்தான் ஒருத்தன்
செக்கிழுத்து மாண்டான் மடையன்
கதர்! கதர்! என்று
கதற கதற கத்தினான் கிழவன்
தண்டி வரை நடந்தானாம்
உப்பு காய்ச்சி விளையாட!
எல்லாம் தப்பாகி விட்டது
தலைவர்களே! தியாகிகளே!
உங்கள் இரத்தத்தை
நாங்கள் அடமானம் வைத்துவிட்டோம்
கைத்தொழில் ஒன்றைக் கற்றுக்கொண்டோம்
கவலை உனக்கில்லை என்பதை மட்டும்
இந்த நாட்டில் ஒத்துக்கொள்ள முடியவில்லை
குறுதி ஊற்றி விளைத்த பொருளை
விற்பனை செய்வது
கற்பனை தானோ?
கண்ணீருடன் சொல்கிறேன்
அந்நிய முதலீட்டை
அனுமதித்துவிட்டால்
கதியொன்றுமில்லை - நாம்
கரை சேர்வதில்லை
அந்நிய முதலீட்டை அனுமதிப்பதும்
என் மனைவியை கொஞ்ச நாள்
நீ வைத்துக்கொள் என்று
அமெரிக்கனிடம் விடுவதற்கும்
பெரிதாக எந்த
வித்தியாசமும் இல்லை
இலஞ்ச ஊழல் பெருச்சாளிகளின்
பண முதலைகளின்அராஜக, மக்கள் விரோத
கொடுங்கோல் காங்கிரஸ்
ஒழிந்து போக!
சேர்ந்து சபிப்போம்.
